جريدة المواطن العربي صوت المواطن الحر
مقالات مشابهة
هويدا عطيتو
توفى منذ قليل الفنان الكبير محمود رضا عن عمر ناهز 90 عاما بعد صراع مع أمراض الشيخوخة، وهو والد النجمة شيرين رضا، ولم يتحدد حتى الآن موعد تشييع الجثمان
محمود رضا ( اتولد فى القاهره فى 11 نوفمبر 1930 ) راقص و مصم رقصات و ممثل مصرى ابتدا حياته العمليه كهاوى للرقص الإيقاعى و بعدين احترف الرقص و تصميم الرقصات الشعبيه و كون فى سنة 1959 فرقة رضا اللى كانت اول فرقة رقص فولكلورى فى تاريخ مصر و اتنقل بيها من المحليه للعالميه و بقت ليه شهره كبيره فى مصر و براها.إتعلم محمود رضا الرقص على ايد أخوه الكبير على رضا.
اتولد محمود رضا فى القاهره سنة 1930 و بعد ماخلص المدرسه الثانوى دخل كلية التجاره فى جامعة القاهرة و اتخرج سنة 1955.
اتجاه محمود رضا لتكوين فرقة رقص شعبى فى مصر جه تقريباً بالصدفه. فوقت ماكان فى بكالريوس التجاره راح المسرح عشان يتفرج على عرض رقص فولكلورى كانت بتقدمه فرقه من الأرجنتين فعجبه العرض و بعد ماخلص راح لأعضاء الفرقه ورا الكواليس عشان يسلم عليهم و يعبرلهم عن اعجابه برقصهم فلما عرفو انه بيرقص جربوه و عجبهم فضموه للفرقه و رقص معاهم فى القاهره و اسكندريه و سافر معاهم روما و باريس. فى باريس كان بياخد يوميه بتعادل اتنين جنيه مصرى كان بيدفعهم لدروس بياخدها فى مدرسة باليه. لكن و هو فى باريس خطرت على باله فكرة انه بدل مابيرقص رقص فولكلورى ارجنتينى ليه مايعملش فرقه فى مصر اللى مافيهاش فرقه زى دى تحافظ على تراث مصر الفولكلورى ، فساب الفرقه الارجنتينى و رجع على القاهره عشان يكون الفرقه.
رجع محمود رضا مصر و اشتغل موظف حسابات و كان بيجهز نفسه للجواز من ” نجيده ” بنت الدكتور حسن فهمى الاستاذ فى كلية الهندسه و كانت اخت فريدة فهمى
فى الظروف دى اتنقل محمود رضا على السويس فإتعطل فى تكوين الفرقه و فضل على الحال ده لغاية ماجاله جواب من الاديب يحيى حقى بصفته رئيس مصلحة الفنون طلب فيه منه المشاركه فى دور البطوله الراقصه فى اوبريت ” ياليل ياعين ” اللى انتجته وزارة الثقافه اياميها. الأوبريت ده كان فيه مشاهير و اسامى معروفه زى الرقاصه نعيمه عاكف و المغنى كارم محمود و المغنيه شهرزاد و مايسترو الاوركسترا كان عبد الحليم نويره و المخرج كان زكى طليمات فكانت حاجه كبيره و الرقاصين كانو طلبه من معهد التمثيل. كان مطلوب من محمود رضا انه يقوم بالبطوله الراقصه و يصمم رقصات الأوبريت اللى كان منها رقصات من الصعيد و اسكندريه و عن جنية البحر و عرايس المولد وغيرها ، فساب الشغل كمحاسب، و اتفرغ الأوبريت
بعد ماخلص محمود رضا من اوبريت ياليل ياعين انشغل فى تكوين فرقته لكن حصلت مشاكل للدكتور حسن فهمى ابو مرات محمود رضا اكمن بنته فريده فهمى اللى تجوزت على رضا انضمت للفرقه فبقى فيه ناس بيعاتبو حسن فهمى و يقولوله ازاى بنتك تشتغل رقاصه و انت استاذ كبير فى الجامعه و ان ده مايصحش و عيب و كلام من ده اكمن الرقص كان عندهم حاجه عيبه و ماكانوش بيقدرو يميزو مابين رقص العوالم فى الافراح و غيرها و فن الرقص الراقى فى المسارح المحترمه ، و فضل محمود رضا يفهم حماه الفرق و ان ده رقص فولكلورى
إكمن محمود رضا و اخوه على و فريده فهمى خافو ان الفرقه ماتنجحش اكمنها حاجه جديده على مصر استعان محمود رضا بمشاهير من اللى اشتغل معاهم قبل كده فعمل كارم محمود و شهرزاد مغنيين الفرقه و حتى فى فيلم ” أجازة نص السنة ” ساندتهم الممثله الكبيره ماجده و شاركت فى الفيلم عشان الفيلم مايفشلش.
نجحت فرقة رضا نجاح كبير و استوحى محمود رضا رقصات من نواحى مصر زى الوادى الجديد و الصعيد و الفلاحين و مدن السواحل المصريه فلعب دور كبير فى تاريخ مصر الثقافى بمحافظته على تراث مصر الموجود فى القرى و النجوع و الأقاليم. و قدمت الفرقه عروض فى بلاد كتيره بره مصر و بقت ليها شهره عالميه و أجازة نص السنة ” ساندتهم الممثله الكبيره ماجده و شاركت فى الفيلم عشان الفيلم مايفشلش.
نجحت فرقة رضا نجاح كبير و استوحى محمود رضا رقصات من نواحى مصر زى الوادى الجديد و الصعيد و الفلاحين و مدن السواحل المصريه فلعب دور كبير فى تاريخ مصر الثقافى بمحافظته على تراث مصر الموجود فى القرى و النجوع و الأقاليم. و قدمت الفرقه عروض فى بلاد كتيره بره مصر و بقت ليها شهره عالميه
أجازة نص السنة ” ساندتهم الممثله الكبيره ماجده و شاركت فى الفيلم عشان الفيلم مايفشلش.
نجحت فرقة رضا نجاح كبير و استوحى محمود رضا رقصات من نواحى مصر زى الوادى الجديد و الصعيد و الفلاحين و مدن السواحل المصريه فلعب دور كبير فى تاريخ مصر الثقافى بمحافظته على تراث مصر الموجود فى القرى و النجوع و الأقاليم.
