كأنى انا عبدك

 

بقلمي /شحته الجمال

أنا لو بحب في حجر
كان حس وأتكلم
لكني حبيتك
يا اقسى من الصوان
ياريتنى ما في يوم شوفتك
ولا عرفت ليكي مكان
اتعذبت بوجودك
واتعذبت بغيابك
ولا همك جراح قلبي
ولا أخذتينى في حسابك
كأنى انا عبدك
مصلوب على بابك
لكنى مش زعلان
ادينى بتعلم
باقيلى جرح كمان
وابطل اتألم
انا لو بحب فى حجر
كان حس واتكلم
زيدي الجراح فيا
وصوبى العذاب ألوان
ما أنا قلبي كان لعبه
ولكل لعبه أوان
وانا اللي استاهل
امنة ليكي زمان
عملة منك اله
ورافعة ليكي اذان
لكنى مش عبدك
و لا دبله في صباعك
ولاساجد في محرابك
اصلى وادعيكي

واهيم في كل مكان
كان حبي ليكي خطيئة
وشيء من الطغيان
وانا بعلن خلاص توبتي
لخالق الاكوان

عن Arab Citizen

شاهد أيضاً

عامر عادل عراقي متعدد المجالات الفنية والإعلامية

كتبت – ولاء مصطفى واحداً ممن يشار لهم فى مجال الإعلام بعدما إستطاع أن يلمع …