لحظة رضا

  • بقلم فاتن أمين

 

يكفينا من العيون نظرة

تحضن شوقنا

لو ضاقت الضلوع علينا

 

ويكفينا من القلوب نبضة

لو تاهت مشاعرنا

نلاقى حد يحس بينا

 

ويكفينا من الكلام كلمة

تربط على قلوبنا

وفى عز الضعف تقوينا

 

ويكفينا من الحنان لمسة

تطبطب على كفوفنا

وفى عز البرد تدفينا

 

ويكفينا من البكا دمعة

تغسل همومنا

لو الحزن دمع عنينا

 

ويكفينا من السعادة بسمة

تنور وشوشنا

والأحزان تنسينا

 

ويكفينا من الحلم لمحة

فى وقت اليأس

تحضن أمانينا

 

ويكفينا من االليل نجمة

فى عز الضلمة

تنور ليالينا

 

ويكفينا من الطريق صحبة

لو تاهت دروبنا

تعدى جسر الأمل بينا

عن Ahmed Gadalla

أنا شاعر سكنت الأشجان جانبه فبات ما بات مطويا على شجن

شاهد أيضاً

،،،،،ياخالقى

بقلم مها بركات ما دهاني في حياتيلا يخطر لأحد علي بالٍ أصابتني المصائب الواحدة تلو …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *