بحبك يا مصر

شعر / تيسير حافظ ياسين

أحبك عفية
يا سمرا وأبية
وأحبك شقية
وأحبك عنيده
وأحبك رزينه
وأحبك أمانى
وأحبك أغانى
وأحبك شراع
وأحبك ذراع
بيسند ويبقى الدليل
وأحبك ميه نهر النيل
وأحبك سبيل
بيهدى الحيارى
ويروي العطاشى
وأحبك طريق
بيفرق فى لحظة
ويبقى الدفا ويبقى الوفا
ويبقى الحنين
بحبك سنين وصبر وأنين
وأحبك عمر ضاع
وفات من سنين
ونرجع حبايب من كلمتين
وأحبك يا ناسي
وحبك نبراسي
بحبك فى كل حالات العاشقين
بحبك زينة وسط المكان
بحبك كيان وعيلة
بحبك لأنك أصيلة
ولمة الجميع وأحبك
وأحبك بدون إنتهاء
وحبك هيفضل طوق النجاة
لأنك علامتي
كرامتى هدايتى
بدايتى ونهايتى
لأنك ميعادى
وشهاده ميلادى
لأنك حقيقه الحياه
بحبك يامصر

عن Arab Citizen

شاهد أيضاً

سيجارك

الشاعرة / ولاءخالد أطفأ سيجارك وتوقفعن نفخ غباره في وجهيالم تعلم اني شيدت لكقصر آ …