جريدة المواطن العربي صوت المواطن الحر
مقالات مشابهة
وليه الحب بقا كلمه بنكتبها
بحروف خرسه
ونرسمها علي شاشه ووشوش
من زيف
ونسمعها بدون احساس ما تجاوز
حدود الودن
تمر علي جدار القلوب عابره
وزي الطيف
ومالحه زي مية بحر في حلوقنا
تغرق بس ما بترويش
وغامضه زي ليلة شك للصايم
مهوش عارف
هيفطر ولا اكل مفيش
طلاسم سحر مرسومه
بايد شياطين بتخدعنا
ومن شوقنا بنجري نعيش
مع الوهم اللي
ناصب شبكه لقلوبنا
ونصحي منه كهنة خيش
يدوسها الكل ويعدي
وتعصر دمعها ع الخد مقهوره
يا طول ليله
كساها الحزن والخرابيش
بقلم/ نجلاء الشنوانى
من ديوان/ انا الضدين
