جريدة المواطن العربي صوت المواطن الحر
مقالات مشابهة
بقلم : د. راجي المصري
قررت خلاص مغنلكيش..
هخلي غنايا جوايا..
وهمنع أي نغماية.. بتحكيلك ولا تخبيش..
قررت خلاص مغنلكيش.
قلت مليش ليّا مكان ف قلبك..
قلت مليش حتى الكلام ف حبك..
يومها كنتِ.. كنتِ قاسية.. زدتي الجراح..
يومها كنتِ.. كنتِ ناسية.. حتي اللي راح..
وإزاي أخون وأنا المجنون.. وأنتِ عقلي..
وإزاي أعيش بعدك مفيش.. جوه قلبي..
حبيتك وبروحي ناديتك… ولحبك وفيت..
قررت خلاص مغنلكيش..
نويت أعيش بدون أسرك..
ولو شوفتيني بعتبرك..
مجرد واحدة ف حياتي متلزمنيش..
قررت خلاص مغنلكيش 💔
