خلطة

بقلم/نجلاء الشنواني

الحسنة تمحى السيئة
والطاعة بتزيح الذنوب
وانا حد مخلوط م الحاجات
فنجان عيوب
مع ربع حبة ذكريات
وتلات معالق طيبة من …..
دنيا البشر
وتلاتة تسليم للقدر
واتنين جحود
على نص حبة م العبر
ونضيف عليهم ركعتين
وقت السحر
وخشوع ندم وقت السجود
ورجاء مع دمعة وجل
وعزيمة على هجر الحرام
ودقيقة غفلة ترجعك
فتخاف عليك لتضيعك
فترش رشة صبر على ….
روحك تطيب
وتضيف على كل الخليط…
بعض الأمل
وعشم فى وجه المولى ….
يغفر زلتك
تظبط حرارة القلب على ….
درجة وسط
واحذر وقوعك فى الغلط
يخرج خليطك بعد مدة محددة
ناضج وسالم م العدا
نفسك ووسوسة الشيطان …..
وصاحب السوء والفتن
إياك تصيبك بالعفن
وان يوم حصل
إرجع وعيد التجربة
لحد ما يحين الأجل
يالا انطلق وأبدأ عمل.

عن Arab Citizen

شاهد أيضاً

محاذير الحب

بقلم الأديبةحنان فاروق العجمي فلما ناداني لبَّيتُهوابتسمت عيني والحب عَرِفتُهتلعثمت كلماتي إلا نعم أهدَيتُهوسَكنت روحي …