((انهيار))

بقلم: نجلاء الشنوانى

قولى إيه أصل الحكاية !
إحكيها لى م البداية
فين وإمتى
وليه وكان ؟
مين وفي ومين اللي خان ؟
واللى هان ؟
كل تفاصيل الرواية
عندك أنت.
السيناريو والمشاهد
والمواجع
فصل فصل
وحتة حتة
والروشتة
والعلاج
انهيار القلب عامل إنزعاج
والمشاعر في اختناق
عايشة تفاصيل الفراق
غرغرت روحها وعانت الاحتضار
يا مرار الجرح لما …
يسكن العمر في سكات
يتركه شوية رفات
وسط حالة م الزهايمر باختيارك
والهروب من ذكرى بتجدد في نارك
يا انحسارك
جوه خانة الانكسار
جوه حالة من الوهن
ويا ورقة اعتذار
قبل فهرس الرواية بصفحتين
صفحة فاضية م الحنين
واللي بعديها انهيار
ثم إسدال الستار

عن Ahmed Gadalla

أنا شاعر سكنت الأشجان جانبه فبات ما بات مطويا على شجن

شاهد أيضاً

مخلفات الحياة

بقلم: مها بركات إنفض من فوق ظهركمخلفااااات الحياةلا تفقد الأمل مهما زادت المعاناةتيقن دوماً أنه …

اترك تعليقاً

لن يتم نشر عنوان بريدك الإلكتروني.