قصيدة بلاش يا حبيبتي

بقلم محمد سعدون

بلاش يا حبيبتي تفوتيني

وتسافري بعيد وتنسيني

حبك في القلب يحييني

ونار الغرام بتكويني

إزاي أبعد و أنساكي

و أنا اللي. عمري وياكي

فرحة قلبي في لقاكي

وعمري الجاي وسنيني

ليه الدمع في عنيكي

يا قمره والنجوم حواليكي

بحبك ونفسي أرضيكي

وأشيلك في نن عيوني

بحبك وفي بعدك بعاني

وبعيش في السهد وحداني

والفرحه تبعد و تنساني

ودمع الحزن يرويني

بقولها وأعيدها من تاني

بحبك وتملي وحشاني

تعالي وامسحي. أحزاني

نظره من عينيكي تحييني

يا حبيبتي ليه ننسى فرحتنا

ونعيش بالحزن ودمعتنا

وتهرب منا ضحكتنا

ومن جمالك تحرميني

ليه نسلم لوحدتنا

وتهرب منا سكتنا

تعالي نعيش بضحكتنا

وأرويكي من نبع حنيني

حبيبة قلبي وأيامي

وفرحة قلبي وأحلامي

بنظره تمحي آلامي

ولمسه منك تداويني

مين في الوجود أدك

الورد مرسوم على خدك

بحلم بيوم ودك

وألاقيكي في حضني تضميني

عن Arab Citizen

شاهد أيضاً

مقدمة ديوان الشعر الشعبي

بقلم/د. عبد الولي الشميري الشعر الشعبي هو الأقرب والأطرب لعامة الناس في كافة شعوب الأرض، …