مندوب المبيعات..رجل المهام الصعبة

الإسكندرية                          بقلم حمادة العاوى

عارف يعنى إيه مندوب مبيعات ؟
يعنى هدف يتحقق قبل ما يبات
يعنى الصبح بدرى يصحى من سكات
يسلم فواتيرة و فلوسه ويرص عربيته رصات
ويظبت مزاجه بكوباية شاى مع صحابه بابتسامات
عارف يعنى ايه مندوب مبيعات
يعنى فى عز البرد نازل ورجله متعاصة طين
والمطرة نازله ويروح لعميله مره و اتنين
وفى عز الحر والكل فى مراوح وتكييف
نازل هو تحت الشمس ويكفية حبه ميه ساقعين
عارف يعنى ايه مندوب مبيعات
يعنى حد شاطر يبيع اللى يتقاله عليه
دا ممكن يبع حتى التراب اللى بتمشى عليه
بس رجولة مع صاحبه ويخاف عليه
ويكمل له هدفه لو الدنيا جايه عليه
عارف يعنى ايه مندوب مبيعات
يعنى اكتر واحد بيلف على الناس
ويقابل الخسيس ويقابل سيد الناس
بس مع الكل بيتحط تاج على الراس
ودايما خيره بيروح للغلبان من الناس
عارف يعنى ايه مندوب مبيعات
يعنى ممكن ينزل سوقه ومراته بتولد
او يتابع عميل وابوه تعبان فى المستشفى راقد
او اجازة جوازة بالكتير اسبوع ويعاود
او يضغط خط سيرة لان اخوه عنده موجود
عارف يعنى ايه مندوب مبيعات
يعنى دكتور ومهندس وصيدلى وكل الشهادات
يعنى مؤهل عالى او دبلوم او اعلى الشهادات
يعنى المهنة اللى فاتحة ايديها لكل الشهادات
واللى بيكسب منها ويبنى بيته ويعيش فى تبات ونبات
عارف يعنى ايه مندوب مبيعات
يعنى انا وانت ومديرنا واللى جاى بعدنا
يعنى الرجوله والادب طبع موجود عندنا

عن Mohamed Essam

شاهد أيضاً

المرأة و الحب

بقلم/ أشرف عزالدين محمود الحُبِّ ..يظَلُّلنا ويقينا..مِنْ هَجِيرِ الاخْتِلافِ..وفراق السِنِينِ عندما تُجَنُّ لَيَالِي الشِتَاءِ الحب …

اترك تعليقاً

لن يتم نشر عنوان بريدك الإلكتروني.