عشان بنحب بعض بجد

 

بقلم الشاعر / حلمى سلامة

عشان بنحب بعض بجد
قلوبنا لسه فيها الروح
قلوبنا فيها حب وود
برغم عذاب ورغم جروح
نحب الخير لبعضينا
شهامة مصرنا فينا
وكلمه حلوه تكفينا
وبينا الكره مش مسموح
عشان بنحب بعض بجد
قلوبنا لسه فيها الروح
يا مصر يا اغلى من عينى
ولادك مخلصين ليكى
ترابك منه تكوينى
أموت لو كنت مش فيكى
أنا قلبى ف غرامك داب
بحبك والهواء غلاب
يا لامة فرقة الأحباب
وحضنك للغريب مفتوح
عشان بنحب بعض بجد
قلوبنا لسه فيها الروح
نجومك تضوى فى سماكى
يامحلى النزهة فى الاهرام
يا مصر المولى سماكى
وقال فيها ادخلوها بسلام
هنبدأ فيكى عصرجديد
وايامنا هتصبح عيد
يارب قرب المواعيد
كشفنا سرنا وبنبوح
عشان بنحب بعض بجد
قلوبنا لسه فيها الروح

عن Faten Ammen

شاهد أيضاً

رويدك يا حلوتي..

— بقلم/ أشرف عزالدين محمود -رويدك يا حلوتي فقلبي لكم خافق رغم ما تنكرين.. رويدك. …

اترك تعليقاً

لن يتم نشر عنوان بريدك الإلكتروني.