أفكار مبعثرة “سلسلة متنوعة” 

 

بقلم حافظ وكوك

 

نصاحب مين في الشغل …

صاحبوا ناس بتبتسم على الصبح وهي داخلة الشغل .. دمها خفيف بشوشة في وجه الزميل قبل المدير.

 

ناس عندهم شخصية وبيسمعوا وبيتناقشوا معاك مش من خلفك وبيتكلموا من غير ما يتقمصوا .

 

ابعدوا عن الغامضين الصامتين كارهي العيشة واللي عايشنها صاحبوا ناس بيحبوا الشغل …ناس بسيطة و واضحة.

 

ناس حقيقية مش مصطنعة. ناس كويسين مش عاملين نفسهم أبو العريف .

 

ناس معندهاش أسرار ولادهاليز ناس معندهاش بخل فى المعلومات والمساعدة … صاحبوا ناس بتشتغل . ناس تعبت فى حياتها قبل ما توصل الكرسي.

 

ناس ناويه تحتفظ بيك و تكبرك رغم اَي شئ حبا في التعاون معك مش علشان اَي سبب ممكن يتخلوا عنك .

 

ناس طبيعية خدومة لوجه الله .

ناس فاهمة هموم الزملاء وعارفة طريقها وعندها هدف وبتتعب علشانه .

 

ناس بتعرف تفهم وتقدر وتعذر و تتأني … وعمرها ما اذيتنا في أكل العيش.

 

اعرفوا بشر مش أمراض نفسية ماشية على رجلين .. مش قنابل موقوتة بتنفجر في وشك في أي لحظة .

 

ناس جايين من بيئة أصل مش من بيئة كره و نميمة و اغتياب.

 

ناس وجودها مبهج وكلامها مبهر .. ناس بتعرف تحاصركم بحبها .. تأسركم بجمال روحها .. صاحبوا ناس خدومة.

 

ناس سعدا أصلا بتعرف تصنع السعادة والنجاح في العمل لكل اللي حواليها مش هربانين من الفشل و انتو وقعتم في طريقهم .

 

ناس تحافظ علي نقاء أرواحكم مش تشوه مجهودك و تحببكم في الكذب و الخداع.

 

ناس خارج العمل بتحب القهوة و الموسيقى والكتب والورد والبحر والونس والضحك ..

 

إلى اللقاء……..

عن Ahmed Gadalla

أنا شاعر سكنت الأشجان جانبه فبات ما بات مطويا على شجن

شاهد أيضاً

حديث الصباح

أشرف عمر مفاتِيحُ الرّزقِ بالدعاء عَنْ أُمِّ المؤمنين أُمِّ سَلَمَةَ ، أَنَّ النَّبِيَّ صلى الله …

اترك تعليقاً

لن يتم نشر عنوان بريدك الإلكتروني.