عارف

 

بقلم : فاتن أمين

عارف ……إحساس
لما تبقى مخنوق
ومش قادر تتكلم
من جواك تعبان بتتألم
لا عارف تقول…….. آه
ولا قادر تكتمها جواك
عارف ….إحساس
لما تبقى مجروح
وعايز تفضفض
وباللى جواك تبوح
صوتك يتخنق منك
وساعتها الكلام يروح
عارف …إحساس
لما تبقى لوحدك
والعالم كله وياك
محدش فاهمك
ولا متجاوب معاك
عارف …إحساس
لما تبقى كاره وجودك
وسط ناس و لمة
عايز تبقى لوحدك
حابب ….. السكات
لا تسمع ولا تتكلم
لو مين قاعد معاك
عارف …..إحساس
لما تبقى مكسور
زى طفل…. صغير
بالدنيا …..مغرور
حط …….أحلامه
فى مركب ورق
افتكر أنه… كدة
بينقذها من الغرق
المركب……مالت
مع اول …موجة
ودابت …أحلامه
فى بحر الشوق

عن Faten Ammen

شاهد أيضاً

أسبوع ثقافى مصرى فى الأردن احتفالا باختيار إربد العاصمة العربية للثقافة لعام 2022

متابعة : خالد ماتع رشحت الدكتورة إيناس عبد الدايم وزيرة الثقافة وفد ثقافى وفنى لتمثيل …

اترك تعليقاً

لن يتم نشر عنوان بريدك الإلكتروني.