يا ناس سبوني

بقلم ماجدة البهيدي

قالولي بتبكي ليه
لسه باقية عليه
انا قولت يا ناس سبوني
ده بختي وراضية به

قالولي حرام عليكي
ده خلاص راحت عنيكي
بكفاية و أرحميها
مبقاش يا حلوة ليكي

انا قولت إن مر عمري
وشاب شعري وعمري
لا عمر هحب غيره
لو حتى يفنى عمري

ده هواه شيء مش بأيدي
والله ان كان يوم بأيدي
لهحبه انا كل يوم
ده وجوده جمبي عيدي

ياناس لو تعرفه
او مرة تلمحه
لهتيجه تعزروني
وتقوله وتوصفه

الشمس في نور عينيه
والدنيا بتحلى به
والعمر لو مش معاه
بالذمة يفيد بايه

هو كل اللي ليا
ده روحي ونور عينيا
ومهما يغيب هيفضل
في الحتة الجوانية

سبوني ياناس في حالي
بكفاية اللي جرالي
البعد قسم لي ضهري
وتملي قايدة ناري

مش عايزة لوم عليا
بكفاية بقى اللي فيا
انا قلبي صبح ضحية
وشبعت من القاسية

سبوني اعيش في حالي
ابكي على حب غالي
وانعي همي وويلي
وحدي مع الليالي

البعد منسنيش
انا بعده ما عدلي عيش
في الدنيا وليه هعيش
لو مش وياك يا غالي
لو مش وياك يا غالي

عن Aya Amin Yassen

شاهد أيضاً

-ظلال جعدة
— بقلم.. أشرف عزالدين محمود

أسنانِ نظيفةِ من جديد….جديرةٌ بالإنصات،وظِّلالِ جَعِدةْتعوِّقُ انسحابَ المطر من نوافذ نصفِ شفافٍ.. منشورُ زجاجيّ..أشياءٌ.. في …

اترك تعليقاً

لن يتم نشر عنوان بريدك الإلكتروني.