الفرن الفلاحي

انا هقعد قصاد الفرن
واخبزلي شوية عيش
وكل عجينه هخبزها
هغني معاها موالي
والاقي الغنوه تحلالي
وهتلالي مع القراميش
وهانسج من حروفي توب
يناسب قعدتي الحلوه
علي شوال خيش
وريحة العيش بتغريني
أنادي ع اللي بيعدي
واقول دوق خبيز إيدي
فييجي يغني ويايا
ولا يمشيش
وبعد ما تخلص العجنه
نحط الرز بالخلطه
وندمس فولنا في المحمي
ويحلي الاكل ف اللمه
يا واد يا عليش
وعود جعضيض معاه بصله
وحبة مش م الزلعه
وتحرق في العيون دمعه
لكن بشويش
وصوت الضحك بيلعلع
علي العين اللي بتدمع
من البصله اللي بتلسوع
وما بتئذيش
زمان الناس كانت صافيه
ولمتهم كانت دافيه
وباينه الصحه والعافيه
وحقد مفيش
ياريت دامت ولا غابت
وبقيت السنين حلوه
بدون تشويش

عن Arab Citizen

شاهد أيضاً

سيجارك

الشاعرة / ولاءخالد أطفأ سيجارك وتوقفعن نفخ غباره في وجهيالم تعلم اني شيدت لكقصر آ …