قصيدة بعنوان “آدم من جديد” ………………………………………..

بقلم/حمادة محمد حسن

https://www.facebook.com/Arabic-citizen_جريدة-المواطن-العربي-113285320428113/

وصحيت علي نقر خفيف
علي الشباك …
ندي وله صوت بيعمل خطوط
علي القزاز …
وكأني وردة
بتتفتح اوراقها لأول مرة
وكأني تراب بيتغربل
ويتشكل لأول مرة
وكأني طفل بـيحبـي
بيلمس دايرة الرؤية
كل ما فيا بيصحي
بيستهجة حروفي
آدم انا ….
ولا دا الزمن
ودي ظروفي …!!!!

صوت الأدان في العصرية
دايس ع البيوت
كل اللي راح عايز يرجع
يتغدي و يشرب شاي
و يشبع ….
وكل آدم في العصرية
قاعد مستربع
في الشباك علي كنبته
بيكتب كلمتين ساكتين
لحبيبته …
يبص كتير ويسرح
في خطوط بـيجامته
يلاقي حبيبته طالعة
تخرج من ضلعه …
تستهجة حروفه وحروفها
حوا دي هي ولا دا الزمن
ودي ظروفها …!!!

عن Eman Shaaban

شاهد أيضاً

مكتبةالإسكندريةتعرض لكتاب نادر من القرن الأول الميلادي” قصائد لاتينية”

متابعة/ جادالله عبدالهادي كشفت مكتبة الإسكندرية عن أقدم الكتب النادرة ضمن مقتنيانها، ويضم مجموعة قصائد …

2 تعليقان

  1. استمر ماشاء الله

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *