كلـنـا فـي رهـــــان

منه نايل

لجــــريدة المواطن العربي..

كلنا في رهان
كل الحاجات بالتجربة بتبان
ماتقولش مش هقدر.. أو تقول مقدرش
الدنيا لعبة وكلنا في رهان
ومفيش بشر في الدنيا مبتخسرش.
تكسب قصاد مكسبك.هتلاقي في خسارة
تخسر قصاد ماكسبت تلاقي في مكسب.
الدنيا ساقية ورزق قلابة
وعشان كدة بطلت أقول احكام.
وبقيت بطاطي لموجة الأيام.
بطلت أقاوح حتى لو على حق
بطلت كلمة. لأ
بطلت أجادل حد ايآ كان.
بطلت أقول لفلان..
انا لو مكانك هعمل كذا
أنا مش مكانه وعمري يوم ماهكون.
حتى إن بقيت.. مش هبقى نفس الشخص.
أنا هبقى في موقفةه وخلاص.
تجاربنا صنعت مننا أشخاص.
خلت مواقف فيها ناس تزعل.
وناس تاخدها بضحك ومتزعلش.
وعشان كدة فـ الصورة مبتكملش
وساعات بتوجـع كلمة فـ متقولهاش.
أكتر كتير عن كلمة بتقولها
وساعات طرق بتضيق لحظة ماندخلها.
عيشـــوا الحياة بحزنها. وبكل تجاربها
قيمة الحاجات بتبان. لحظة مانسيبها.
من غير ماتحسبها. وبدون خطط وشروط.
قطر الزمن هيفوت. بالوقت والأحداث.
تخسر حاجات بحاجات. وتبقى ناس مع ناس.
سيب الحياة تعيـشك وإدي الأمل فرصـة علشان ينورلك…
الصورة بالتدريج بعدين هتظهرلك
وتشوف حياة كاملة من غير عيوب فـ الكادر.
زاي القمر مابتدى.. بهلال وتم البدر
جرب عشان تعرف.. أن الجميل مافاتكش. وأن اللي فاتك فات.. عشان مايستهلكش…

عن Arab Citizen

شاهد أيضاً

صدى الكلمات.. البرد والدفء..!! يهديها لكم..

بقلم: خالد بركات..لبنان *ولكن الله حبب إليكم الإيمان..* *وزينه في قلوبكم بدفء الإيمان..* *وكرّه إليكم …

اترك تعليقاً